З АФІЦЫЙНЫХ КРЫНІЦ
Генеральная пракуратура Беларусі ў красавіку 2021 года ўзбудзіла крымінальную справу па факце генацыду насельніцтва Беларусі падчас Вялікай Айчыннай вайны і пасляваенны перыяд. У аснову прынятага рашэння пакладзены звесткі аб гібелі мільёнаў беларусаў і іншых асоб з прычыны зверстваў нямецкіх акупантаў і іх памагатых. Распачаты Генеральнай пракуратурай крымінальны працэс па расследаванні фактаў генацыду накіраваны на ўсталяванне канкрэтных асоб з ліку нямецкіх захопнікаў і іх памагатых, якім удалося пазбегнуць адказнасці за забойствы мірных жыхароў, здзекі і катаванні ў канцлагерах і гета, масавы ўгон грамадзянскага насельніцтва ў нямецкае рабства.
22 чэрвеня ў Рэспубліцы Беларусь адзначаецца Дзень усенароднай памяці ахвяр Вялікай Айчыннай вайны і генацыду беларускага народа. На тэрыторыі Беларусі ў гады Вялікай Айчыннай вайны фашысты стварылі больш за 260 лагераў смерці і месцаў масавага знішчэння людзей. Самым буйным не толькі ў Беларусі, але і на ўсёй захопленай савецкай тэрыторыі, з'яўляўся лагер смерці «Трасцянец», дзе загінула больш за 200 тыс.чалавек (ёсць сведчанні, што ахвяр было нашмат больш – больш за 500 тыс.). Па няпоўных дадзеных, толькі ў лагерах на тэрыторыі Беларусі загінулі каля 1,5 млн.чалавек.
Сагнана ў Нямеччыну пад пагрозай смерці каля 400 тыс.грамадзян, многія з якіх загінулі ў выніку невыносных умоў працы, пазбаўленняў і катаванняў. Спрабуючы знішчыць нацыянальную дзяржаўнасць, эканоміку і культуру беларускага народа, нямецкія захопнікі і іх памагатыя разбурылі і спалілі больш за 9 тыс.населеных пунктаў. Усяго ў гады вайны Беларусь страціла кожнага трэцяга жыхара.
У красавіку 2022 г. пад рэдакцыяй Генеральнага пракурора Беларусі Андрэя Шведа выдадзена кніга «Генацыд беларускага народа», у якой сабраны даведачна-аналітычныя і дакументальныя звесткі з расследуемай крымінальнай справы аб генацыдзе.
5 студзеня 2022 года Прэзідэнт Рэспублікі Беларусь Аляксандр Лукашэнка падпісаў Закон «Аб генацыдзе беларускага народа», якім прадугледжваецца юрыдычнае прызнанне генацыду беларускага народа, здзейсненага нацысцкімі злачынцамі і іх памагатымі ў гады Вялікай Айчыннай вайны і пасляваенны перыяд (да 1951 года). Пад беларускім народам маюцца на ўвазе ўсе савецкія грамадзяне, якія пражывалі на тэрыторыі БССР у азначаны перыяд.
Разнастайную і змястоўную інфармацыю па справе аб генацыдзе беларускага народа можна атрымаць на афіцыйным сайце Генеральнай пракуратуры Беларусі: